Home Aktualitet Reforma Zgjed...

Reforma Zgjedhore, Alibeaj: Zgjidh krizën politike, ja oferta e PD

32
0

Për Enkelejd Alibeajn, zgjidhja e krizës politika kalon nga reforma zgjedhore. Ish-deputeti i PD, thotë se oferta e opozitës është efektive dhe e testuar edhe në të shkuarën, e thjeshtë për këdo.

“Ka dy gjëra që një reformë mund të ecë përpara. Një është lënda se për çfarë duhet të punojmë. E dyta, si duhet të punojmë. Të dyja janë të zgjidhura. Ne po punojmë për një reformë elektorale, e cila një dokument, atë të Bundestagut. Në anën tjetër, ne kemi bërë ofertën tonë dhe ajo është e sinqertë, është efektive dhe e testuar edhe në të shkuarën, e thjeshtë për këdo. Reforma elektorale është diskutimi për pasurinë më të madhe që ka çdo qytetar, që është vota. Metodologji ka lëndë për të cilën duhet të diskutojmë ka, e përveç kësaj ka edhe një gjë tjetër: Kushti i madh i vendosur në dokumentin e Bundestagut. Kjo nuk është thjesht dhe vetëm për faktin që ne si shqiptarë do të duhet të bëjmë një reformë elektorale por duhet të bëjmë një reformë elektorale e cila duhet të zgjidhë krizën politike. Kjo do të thotë se vetëm në këtë mënyrë do të zgjidhim krizën; që do të thotë se hapet një spirale tjetër për anëtarësimin në BE”,-tha në ”A2Cnn”.

Alibeaj tha se synimi i vetëm i opozitës së bashkuar është që vota e shqiptarëve të mos vidhet. ”Ne jemi për një reformë reale edhe pse nuk jemi në tryezën e kësaj reforme. E para ne kemi platformën tonë, ku nuk kemi asnjë lloj skrupulli. Ne kemi ofruar si zgjidhje dhe është moderimi i ndërkombëtarëve. Duke qenë se ndërkombëtarët nuk janë vetëm faktorë të jashtëm, por janë pjesë e politikës shqiptare, dokumenti. Për ne është e rëndësishme që të kuptohet nga publiku shqiptar se ne nuk e bëjmë për vete reformën, por për qytetarët. Ne kemi synim si e si që vota e shqiptarëve të jetë e ndershme, e pashitshme dhe e pablerë. Nëse pala tjetër i pranon këtë propozime, atëherë zgjidhet çështja”. Në fund, Alibeaj ripërsëriti se tashmë anë dhënë prova se me Edi Ramën kryeministër nuk ka zgjedhje të lira.

Lajmet Kryesore

Të përzgjedhura

Më shumë nga Aktualiteti

Më shumë nga Aktualiteti

Lajmet e Fundit

Te Fundit