Home POLITIKE Negociatat Ra...

Negociatat Rama-Basha, flet për herë të parë “dëshmitari”. Oerd Bylykbashi: Ja çfarë dëgjova

6
0

Njeriu që ishte aq pranë kryedemokratit Lulzim Basha në orët e ethshme të negociatave me kryeministrin Rama, Oerd Bylykbashi tregon disa të vërteta që vetëm në një libër me kujtime mund t’i përmbledhë, siç u shpreh gjatë emisionin “Kjo Javë” në News 24.

“Ato kanë qenë negociata nga dy kryetarët e partive. Është e vërtetë që unë kam qenë shumë pranë dhe di ca të vërteta, por ka edhe pjesë që nuk i di. Mund të them s se mbeten negociata të kryera prej tyre me sukses. Marrëveshjet kanë atë pjesën e tyre jopublike, ajo pjesa, e elementëve që projektohen për të ardhmen, siç është marrëveshja për reformën kushtetuese”,- sqaroi ai.

Sipas Bylykbashit, gjëja më e rëndësishme është që u mbyll një kapitull pas të cilit vjen ndryshimi për të ardhmen. Ai shtoi se falë këmbënguljes së opozitës, Rama u detyrua në 3 muaj të ndryshojë 11 ministra.

Ai ka folur edhe në lidhje me listën e kandidatëve për deputetë të përpiluar nga kryetari i PD-së, Lulzim Basha.

I pyetur nga gazetarja Nisida Tufa nëse kjo listë është bërë për të distancuar PD-në e vjetër, Bylykbashi thotë se brenda partisë është gjithnjë i nevojshëm një rotacion.

“Kur ka zgjedhje, do të ketë dhe një rotacion të brendshëm brenda partive, ka ndodhur te të gjitha partitë, të mëdhatë flas, jo në partitë e vogla ku shoë-n e bën kryetari. Edhe unë dikur konsiderohesha prurje e Berishës. Ka nga ata që e meritojnë të jenë pjesë e listës me punën që kanë bërë. Brenda dy javësh do shihni frytet e kësaj liste,” tha Bylykbashi.

Deputeti demokratik tha se lista është një gërshetim me prurje e reja dhe pritet të jetë një test për të gjithë PD-në.

“Është gërshetim mes përfaqësimit politik në disa zona të caktuara dhe prurjeve të reja. Janë kombinim të bëra nga kreu i partisë, por testi është përpara për të gjithë ne. Ne kemi mundësinë që përmes këtyre listave të japim më të mirën,” tha Basha.

Lajmet Kryesore

Të përzgjedhura

Më shumë nga Politika

Më shumë nga Politika

Lajmet e Fundit

Te Fundit