Home Sporti Man. City për...

Man. City përgatit revolucionin

2
0

Eliminimi në 1/8 e finaleve të Champions League nga Monaco ka bërë që te Manchester City të mendohet për një revolucion të vërtetë në skuadër.

Sipas medias britanike, janë një sërë futbollistësh që po përgatiten t’i thonë lamtumirën skuadrës së Citizens që si mundësi të vetme për titull duket se kanë FA Cup. Gjithnjë sipas medias britanike, trajneri i Manchester City, Pep Guardiola kërkon të ndryshojë rrënjësisht repartin e mbrojtjes si dhe të shtojë elementë të tjerë në mesfushë dhe sulm dhe për  realizimin e këtij plani kërkohet të paktën një fond prej 150 milionë paund. Një shifër kjo që Manchester City mund ta sigurojë pikërisht nga shitja e lojtarëve të padëshiruar.

Në krye të listës së futbollistëve që do të dalin përfundimisht në merkato janë Joe Har, Nasri, Mangala dhe Bony, të cilët janë dhënë në formë huazimi në skuadra të tjera. Po kështu po bëjnë gati valixhet edhe Clichy, Sagna dhe Zabaleta, të cilët kushtëzohen edhe nga mosha e tyre. Të tjerë futbollistë si Nolito, Bravo apo Navas pritet të qëndrojnë në skuadër, por do të duhet të punojnë shumë për të bindur Guardiola-n për t’i përfshirë plotësisht në planet e tij.

Një tjetër çështje e krijuar te Manchester City është ajo e Kun Agueros që ndjen konkurrencën e Gabriel Jesus. Klubi anglez ka deklaruar se argjentinasi nuk largohet, një deklaratë që ka gjetur edhe konfirmimin e vetë futbollistit.

Por gjerat mund të ndryshojnë nëse Aguero e sheh veten sërish në stolin e rezervave. Një largim i mundshëm i sulmuesit 28-vjeçar nga Manchester City mund të rezultojë lëvizje e menduar mirë nga drejtuesit e klubit të cilët mund të përfitojnë nga kartoni i tij jo më pak se 50 milionë paund./TCH/

Lajmet Kryesore

Të përzgjedhura

Më shumë nga Sporti

Me shumë nga Sport

Lajmet e Fundit

Te Fundit