Home POLITIKE Basha: Rrëzim...

Basha: Rrëzimi i regjimit Rama-Doshi nuk është më detyrë politike, është detyrë patriotike

7
0

Nga Kukësi aty ku zhvilloi një takim me strukturat dhe mbështetësit, kreu aktual dhe kandidat për një tjetër mandat në krye të PD-së, Lulzim Basha tha se 25 prilli shënon vjedhjen më të madhe në histori, e cila ndali dhunshëm, por vetëm përkohësisht, ndryshimin që shqiptarët sot e duan më shumë se kurrë. Basha theksoi rrëzimi i regjimit “Rama-Doshi” nuk është më detyrë politike, por është detyrë patriotike. Sepse, tha ai, nuk bëhet më fjalë për Partinë Demokratike, bëhet fjalë për demokracinë, bëhet fjalë për Shqipërinë. “Çfarë specifike për qarkun e Kukësit e në veçanti për bashkinë e Kukësit? E para: e kemi prekur, e dinë të gjithë dhe është fakti që është qarku e në veçanti bashkia më e braktisur gjatë këtyre 8 viteve të regjimit të Edi Ramës. Ditë pas dite, javë pas jave, muaj pas muaji, vite pas vite largimi e ka shënuar Kukësin më shumë se çdo qark tjetër, më shumë se çdo bashki tjetër. Dhe unë jam dëshmitar okular se bashkë me ju kemi qenë në qendër të qytetit, në tregun e qytetit, në shtëpitë e kuksianëve, bizneset e kuksianëve dhe kemi parë sesi janë zbrazur në veçanti nga rinia e janë zvogëluar familjet, bizneset janë mbyllur ndërkohë që terrori qeveritar, hakmarrja qeveritare është vërsulur mbi ju me një diskriminim dhe një ndjenjë urrejtje që tejkalon çdo formë angazhimi midis kundërshtarëve politikë. Nga ana tjetër dorëzimi toptan i pasurive të Kukësit në duart e oligarkëve, si dhe vendosja e traut në Rrugën e Kombit, nga ana tjetër mbyllja e universitetit. Pra, edhe pushtuesi në këto 8 vite më keq nuk kishte për ta bërë. Ndërkohë në Kukësin e zbrazur nga kuksianët, në Kukësin e zbrazur në veçanti nga mbështetësit tanë, nga demokratët, ju keni arritur të sillni në të gjithë qarkun 6 mijë vota më shumë.  Ky është treguesi i forcës tonë, ky është tregues i forcës së demokratëve, i forcës tuaj, i drejtuesve, i veteranëve që dinë të përballen dhe me betejat më të pabarabarta siç ishte kjo betejë, siç e dinit nga fillimi që do të ishte. Asnjëherë nuk janë bërë bashkë në këtë mënyrë, as në 2017,  as në 2001, as në 91 shteti me partinë, krimi i organizuar, oligarkia, paratë e buxhetit dhe paratë e pista të korrupsionit e të drogës. Prapë njësoj si në 91 demokratët ishin bashkë pa pushtet. Pa asnjë pushtet institucional, por me një pushtet të pafundshëm, pushtetin moral, pushtetin e zemrave të pastra, qëllimeve të ndershme, jo thjeshtë për të sjellë rotacion por për të sjellë ndryshimin. Diferenca është fare e qartë rotacion do të thotë të luftosh për pushtet, ndryshim do të thotë të luftosh për kuksianët , të luftosh për shqiptarët. Ndaj dhe kuksianët i prinë kësaj beteje me pjesëmarrje dhe shqiptarët në tërësi na ndoqën anembanë vendit, nga veriu në jug, mos e besoni atë hartë tradhtare. Shikojini statistikat nga veriu në jug, deri në cepin më jugor të Shqipërisë shqiptarët në masë u derdhën në kutitë e votimit dhe votuan ndryshimin. Ndaj 25 prilli nuk është dita e fundit e betejës që kemi nisur. Është ndalja e dhunshme e përkohshme e ndryshimit që shqiptarët e deshën me 25 prill, që kuksianët e votuan me 25 prill dhe që sot e duan akoma më shumë. Ndonëse në kushtet e një dëshpërimi dhe nuk është faster kryetari, i një shoku të vërtetë ku solli masakrën zgjedhore  e 25 prillit. Por kush tjetër përveç nesh mund ta çojë në fund këtë betejë? Kush tjetër përveç jush që ka mbajtur mbi supe këtë betejë dhe shenjat e kësaj beteje? E di që fuqinë për ta çuar deri në fund këtë betejë e për ta rrëzuar këtë regjim, e kemi vetëm ne, Partia Demokratike e Shqipërisë. Në vend që të na ulnin në gjumë, ne u rritëm u bëmë më të fortë. Në Kukës qartësisht po kështu edhe në Shqipëri. Ndaj vëllezër dhe motra falënderimi shkon për gjithsecilin prej jush, për demokratët shqiptarë kudo ku ndodhen, për strukturat tona, për drejtuesit tanë, për ekipin tonë, në veçanti për ju që keni qenë tetë vite nen kamxhikun e një kundërshtari politik që nuk ju ka trajtuar si kundërshtarë politikë, ju ka trajtuar si armiq, duke shkatërruar normalitetin e jetës tuaj, familjeve tuaja deri në eksodin masiv të bijve dhe bijave të Kukësit”, deklaroi Lulzim Basha.

Takimi në Has

Ndërkohë, gjatë takimit me banorë dhe demokratët e Hasit, Lulzim Basha u shpreh se tashmë gjithçka pas 25 prilluit është më keq për shqiptarët dhe aspiratën e tyre për integrimin në Europë. “E pra këtë betejë vëllezër dhe motra, zonja dhe zotërinj ne e faktuam vendosmërinë dhe qëndresën tonë, sepse askush nuk u shty të qëndronte me zor në këtë betejë, mund të ishit larguar, mund të kishit qëndruar në shtëpi, mund të ishit shitur apo blerë, por jo ju e bëtë këtë sepse gjithsecili prej jush në shpirtin tuaj është një misionar fisnik, jo thjeshtë në shërbim të Partisë Demokratike por në shërbim të demokracisë, në shërbim të Hasit, në shërbim të Shqipërisë, në shërbim të shqiptarëve. Dhe kjo është arsyeja në fund të fundit, sepse Hasjanët e shqiptarët na ndoqën, sepse e kuptuan që këtë betejë nuk po e bënim për karrigen time apo për karriget tuaja, por po e bënim këtë që vendi kishte kaq Shume nevojë, për atë që shqiptarët e kërkonin me ngulm dhe ndryshimin. A zgjidhi diçka 25 prilli? A i ktheu përgjigje ndonjërës prej dilemave të shqiptarëve? A i zhduku apo i zvogëloi pikëpyetjet e mëdha të para të 25 prillit? Ju e dini fare mirë, më mirë se unë që përgjigja është jo. Përkundrazi, i bëri më të mëdha këto pikëpyetje që nga blegtori në fshatin më të thellë të Hasit e deri tek çështjet e integrimit Europian të Shqipërisë, gjithçka pas 25 prillit është më keq. Ndaj dua të deklaroj qartë dhe prerë para jush sot meqenëse jemi në mesin e një agresioni ndaj Partisë Demokratike dhe propagande të shfrenuar. Është qëllimi im i prerë dhe synimi im final në drejtim të Partisë Demokratike, që jo vetëm të mos t’i shtrijë dorën dhe bashkëpunimit Edi Ramës, por që së bashku menjëherë pas përfundimit të kësaj gare të nisim betejën për rrëzimin e regjimit të tij një orë e më parë. Kjo nuk është më detyrë politike, kjo është tani një detyrë patriotike, këtu nuk bëhet më fjalë për Partinë Demokratike, këtu behet fjalë për demokracinë, këtu bëhet fjalë për Shqipërinë. Regjimi i tij me 25 prill ka asgjësuar instrumentin e fundit që ka mbetur në këmbë, pasi ka asgjësuar çdo institucion tjetër të republikës, që ishin zgjedhjet. Në momentin që arrestohet instrumenti i fundit i ndryshimit, instrumenti i fundit i shpresës, atëherë detyra jonë patriotike është të bëjmë gjithçka për t’ia shkurtuar ditët. Dhe ne e dimë si bëhet kjo, asnjë parti tjetër politike nuk e ka në genin e vet, në ADN e vet teknologjinë e rrëzimit të regjimit përveç Partisë Demokratike.  Ndaj Edi Rama e di këtë dhe nuk do që ne ta vazhdojmë këtë betejë, aq më pak nuk do që ta vazhdojmë bashkë. I kanë rënë përtokë katër pyka që na i kishte futur për të na përçarë deri me 25 prill. Kishte investuar boll në ato 4 pyka. Ia thyet ju, ia thyen demokratët, ia thyen shqiptarët. Iu rrëzuan si këto kuti kartoni njëra pas tjetrës. Tani këtë garë të brendshme që na e dikton statuti dhe rregullat që ne sigurisht e vlerësojmë si një thesar të familjes tonë politike, përkundër asaj që na thonë jemi një parti e hapur, një parti e debatit, një parti e garës kërkon të na e kthejë kundër duke përdorur një disavantazh që është real, një disavantazh real të cilin unë e kam paralajmëruar në Këshillin Kombëtar që ditën e parë që u mor vendimi për këtë garë. Dhe ky është disavantazhi apo rreziku që një garë e brendshme statutore mundet që përmes shpërfilljes së asaj që kemi ndërtuar bashkë, ekziston pra rreziku që dorëzimi para atyre që e konsiderojnë 25 prillin fitore të Edi Ramës dhe jo siç e dini të gjithë ju masakër zgjedhore kundër Shqipërisë dhe kundër demokracisë të çojë në një përçarje në gjirin e demokratëve. Unë këtë nuk do ta lejoj e nuk do ta pranoj kurrë dhe ju bëj thirrje po kështu edhe ju të mos e lejoni e të mos e pranoni. Sepse nuk ka nevojë t’ju jap unë shembuj, secili prej jush mund të vijë në këtë foltore e t’i tregojë. Se çfarë ka ëen 25 prilli e keni parë me sytë tuaj, i keni shenjat e betejës, i mbani me vete, ju, familjet tuaja, demokratët e Hasit anë e mbanë. Ndaj në këtë kundër nxitimi dhe paqartësia që mund të sundojë zemrën apo mendjen e ndokujt nuk mund të kthehet në arsye për t’i rënë me shkelm asaj që kemi ndërtuar të gjithë bashkë. Le të mos ia japim këtë kënaqësi Edi Ramës, le të dalim nga kjo garë mendje-ndarë, të bashkuar e të vendosur për ta çuar betejën deri në fund. Dhe për mua beteja deri në fund do të thotë në radhë të parë largimi i regjimit dhe së dyti çuarja deri në fund e  misionit që kemi ndërmarrë para shqiptarëve misionit për ndryshimin e Shqipërisë, misionit për ndryshimin që e mirëpresin dhe  mezi e presin të gjithë ata në nivel lokal dhe nivel qendror. Pra, miqtë e mi ajo për të cilën ju ftoj është të heqim  çdo iluzion se duke u larguar nga rruga e betejave që kemi bërë bashkë dhe për të cilave ju jam mirënjohës nga zemra, por për shkak të atyre betejave jemi sot këtu. Le të mos bëjmë asnjë kompromis me të keqen, le të mos bëjmë asnjë kompromis me atë që gjoja na shtrin dorën pë bashkëpunim pa  vija të kuqe sepse e di se çfarë kanë bërë. Krimin më të rëndë ndaj shqiptarëve do të na bëjë bashkautorë në krim, të na mbyllë gojën, por është po kështu tregues i frikës që ka, frikës që ka hajduti i shpresës së shqiptarëve. Frikës që ka ai i cili duke vjedhur shpresën e  shqiptarëve përkohësisht ka ndalur aspiratat kombëtare për ndryshim, le të ia kthejmë këtë frike në makth, në ankth, në tmerr. Kush përmend 2025 e bën për të groposur shpirtin e demokratëve dhe shpresën e shqiptarëve. Ajo që më takon mua ka një dhe vetëm një objektiv. Regjimi i Edi Ramës dhe i Tom Doshit me shokë, rrëzimi i këtij regjimi, denoncimi i masakrës zgjedhore, dhe në këtë mënyrë jo vetëm që nuk i mbivendosemi, por i japim vlerë betejës që vazhdon për faktimin e masakrës zgjedhore në mënyrë institucionale, ligjore, politike, ndërkombëtare si një taban mbi të cilin do të ngremë aksionin tonë politik. Unë kam ardhur sot t’ju kërkoj të jemi të bashkuar e të dalim të bashkuar nga 13 qershori dhe ju kërkoj po kështu të më lejoni të vazhdoj t’ju udhëheq deri në fitoren e kësaj beteje. Duke ju falënderuar edhe një herë nga zemra ju dhe të gjithë demokratët hasjan për sakrificën tuaj dhe duke ju siguruar që deri në frymën time të fundit ju jam mirënjohës dhe do bëjë gjithçka që asnjë pikë djerse dhe sakrificë e juaja mos të shkojë dëm”, tha Lulzim Basha.

Lajmet Kryesore

Të përzgjedhura

Më shumë nga Politika

Më shumë nga Politika

Lajmet e Fundit

Te Fundit